واتای بەشداری سیاسی، ئەوكارانەیە كە مرۆڤ دەیكات وە لەرێگەی ئەو كارەوە ئەندامانی كۆمەڵگا بەشداری دەكەن لە هەڵبژاردنی نوێنەران بە شێوەیەكی راستەوخۆ یاخود ناڕاستەوخۆ بۆ ئەوەی بڕیاری درووست دەربكەن و سیاسەتی گشتی ووڵات دابنێن وە بەدواداچوونی بۆ بكەن، پڕۆسەی دیموكراتی پێویست بەوە دەكات گشت تاكەكانی كۆمەڵ بەشداری تێدا بكەن .

ئەو گۆڕانكاریە گەورانەی رووی دا لە هەرێمی كوردستان و بەرفروانبوونی پانتایی بەشداری گەنجی لە پرۆسەی سیاسی و سەرهەڵدانی دیموكراسیەتدا زیاتركرد وای كرد پرۆسەی هۆشیاری سیاسی و ئامادەكردنی كادیر لەم بوارەدا بە زەرورەتێك بژمێردرێت، بۆ ئەوەی نەوەیەكی چالاك و بوێر بێتە مەیدان، كە بتوانێت بەشداری لە پڕۆسەی سیاسی و بەڕێوەچوونی دەسەڵات دا بكات .

لە روانگەی بڕوابوون بە تواناكانی گەنجان ئەم سەكتەرە درووستكرا، كە گرنكی كارەكانی لەم بوارانەدا خۆی دەبینێتەوە:

    بەدواداچوونی دەقە دەستووری ویاساییەكان كە تایبەتە بە مافە سیاسیەكانی گەنجان، وەك مافی خۆ پاڵاوتن و هەڵبژاردن و هەوڵدان بۆ بەكارخستن و چاككردنی، ئەویش لەرێگای ئەنجامدانی چەندین چالاكی جۆرا وجۆر .

    چاككردنەوەی وێنەی گەنجان لە ناو كۆمەڵگا بەتایبەتی ئەو لایەنەی كە پەیوەستە بە توانای گەنج لە بەشداری سیاسی دا و جەختكردنی لە سەر بەشداری ئافرەت لە پڕۆسەی سیاسی دا .

    هۆشیاركردنەوەی گەنجان دە ربارەی مافەكانیان سەبارەت بە بەشداری سیاسی و هەوڵدان بۆ ئاراستەكردنیان بۆ بەبەشداری كردن لەپرۆسەی بڕیاردان دا.

        هاندانی دەزگا حیزبیەكان بۆ بوار رەخساندنی بەشداری سیاسی گەنج بۆ ئەوەی بتوانێت تواناكانی بخاتەگەڕ لەپێناوخزمەتكردنی ووڵات .